Anaa na sa P12.27/kWh ang residential rate sa Visayan Electric sa buwan sa pagpaningil sa Septiyembre ngadto sa Oktubre tungod sa pagkunhod sa presyo sa kuryente sa wholesale electricity spot market (WESM).
Ang distribution utility nipasabot nga ang rate sa miaging buwan, nga anaa sa P9.37/kWh, resulta sa usa ka higayon nga P3.00/kWh over recoveries refund nga gipatuman alang sa tanang mga kustomer niini.
Kon wala ang maong refund, ang aktuwal nga rate sa miaging bulan sa pagsingil mahimong P12.37/kWh.
Ang Visayan Electric, subay sa ERC Resolution No. 14, niisyo og one-time refund nga P3.0002/kWh ngadto sa mga kustomer niini alang sa billing month sa Agusto-Septiyembre tungod sa over-recovery sa pass-through charges.
Ang sobra nga pagbawi natural nga mahitabo kon ang gasto sa elektrisidad mikunhod.
Ang mga under-recovery mahimo usab nga mahitabo kon ang gasto sa kuryente motaas.
Ang Presidente ug COO sa Visayan Electric, Engr. Raul Lucero, nipahinumdom sa mga konsumidor nga samtang nagkunhod karon ang singil sa kuryente, mahimong mausab kini sulod sa pipila ka semana tungod sa posibleng pagsaka sa presyo sa petrolyo sa merkado sa kalibutan tungod sa nagsingabot nga tingtugnaw sa mga nasod sa Kasadpan.
“I would like to urge our consumers to always practice energy conservation because our fuel prices are affected by prices in the world market and usually, when the winter months approaches, fuel prices would usually go up because demand for fuel increases. Electricity consumption also usually increases during the holiday season,” matod ni Lucero.
Lakip sa mga paagi sa pagdaginot sa elektrisidad mao ang pag-unplug sa appliances nga wala gigamit, pagpalong sa mga suga ug paggamit sa natural nga kahayag kutob sa mahimo, ug pagsiguro nga ang cooling appliances sama sa air conditioner ug electric fan maayo nga gimintinar aron mapadako ang energy efficiency. (RRM gikan sa PR)