Tungod sa ‘sexual abuse’, pari sa Borongan gitaktak

Tungod sa ‘sexual abuse’, pari sa Borongan gitaktak

Gipahibawo sa Obispo sa Diocese sa Borongan, Most Rev. Crispin Varquez, ang dismissal sa clerical state ni Fr. Pio Cultura Aclon nunot sa giingong desisyon ni Pope Francis.

“He is, therefore, no longer a cleric and cannot exercise priestly ministry in the Church,” matod sa Diocese of Borongan sa advisory sa social media page niini niadtong Dominggo, Septiyembre 17, 2023.

Wala hinuon maghisgot ang pahibalo sa diyosesis sa mga rason kon nganong gipalagpot si Aclon.

Agi’g tubag, gipangayo ni Aclon gikan kang Varquez ug sa Diocese ang sulat gikan ni Pope Francis.

“I give you 10 days to provide us the letter... I REPEAT, SEND THE LETTER OF POPE FRANCIS TO ME. Matters like this are communicated to the concerned individual and not on the social media platform. The social media platform is never part of the procedural process on matters like this,” matod ni Aclon.

“The Bishop of Borongan should explain this matter because HE VIOLATED AGAIN NOT ONLY MY CANONICAL RIGHT BUT ALSO HUMAN and CIVIL RIGHTS!,” nagsulat ang pari sa iyang Facebook account.

Ang CBCP News, ang church-based news agency nga gi-ope­rate sa Media Office of the Ca­tholic Bishops’ Conference of the Philippines (CBCP), nitaho nga si Aclon katapusang nag-a­la­gad sa usa ka minor seminary sa Borongan sa wala pa siya ma­suspenso sa clerical nga ka­tungdanan sa diyosesis.

Sa report, gipasalig sa CBCP nga walay pagtabon sa mga kaso sa sexual abuse nga nag­lambigit sa kaparian.

“The CBCP has also created an office that will help protect minors from alleged sexual abuses by the clergy,” matod sa CBCP News. / Ronald Reyes, SunStar Philippines

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph