Gikompirmar ni Brgy. Ginebra Gin Kings coach Tim Cone ning Martes, Septiyembre 19, 2023, nga cancer-free na si LA Tenorio.
Nidugang si Cone nga gitugtan na ang iyang pambatong pointguard nga mobalik pagduwa og basketball.
“Yes, he is cancer free and will make a statement when he returns to Manila later this evening,” matod ni Cone sa interbyo sa ABS-CBN News.
“He will rejoin Gilas as a coach tomorrow morning. His doctors have said he can start practicing in a few days. However, he cannot join Gilas as a player because he is not on the list of eligible players.”
Ang gitawag og Iron Man sa Philippine Basketball Association (PBA) na-diagnose og Stage 3 colon cancer niadtong Marso 21, 2023 nga maoy hinungdan nga wala siya nakaduwa sa tibuok PBA Season 47 Governors’ Cup.
Human niini, nagbalikbalik si Tenorio sa Singapore aron magpatambal sa iyang sakit nga cancer. (ESL)
