Nakatakda na nga mahisakop sa Philadelphia 76ers si Kellty Oubre alang sa 2023-24 season sa National Basketball Association (NBA).
Ang 76ers mao unya ang ikalimang team sa 27 anyos nga swingman sa NBA sukad siya gikuha sa Atlanta Hawks isip 15th overall pick nga gi-trade ra sab dayon sa Washington Wizards sa samang adlaw sa draft pick niadtong 2015.
Gikan sa Wizards, nabalhin si Oubre sa Phoenix Suns, Golden State Warriors dayon sa Charlotte Hornets.
Si Oubre nag-average og 20.2 puntos sa miaging season diin igo ra nitali ang Hornets og 27-55 nga rekord. (AP)