Dear Papa Joe,
Tawga lang ko og name nga Mrs. Killjoy, 35 years old na, taga Lapu-Lapu city.
Naa koy duha ka mga anak, naa pa sa elementary. Kani’ng akong bana usa ni ka seaman.
Taudtaud na ni siya nisakay ug karong pagkanaug niya nihangyo siya nako nga mopalit og motor.
Ako siya’ng gipangutana kon ngano man nga naa man tay duha ka mga sakyanan? Unsaon pa man na nimo? Pero niingon siya nga damgo daw gyud niya nga maka motor.
So, ako sab isip support sa akong bana, nagtan-aw sa ko sa FB marketplace og second hand kay at least barato ra total di bitaw niya magamit permi inig sakay na sad niya sa barko.
Na-shock man ko, di man diay gamay nga motor, iyang gusto kay hapa-hapa man kuno.
Nakulbaan ko oi maong nisuwat ko dayon nimo kay nakadungog gyud ko atong namatay nga dagko ang mga motor nga gigamit.
Namugos man gyud ni siya kay lagi need sad daw niya para sa iyang kaugalingon kay puros ra daw amo sa iyang mga anak.
Unsaon nako ni siya pagpa sabot nga di ko ug okay ra ang gamay? Tambagi ko.
MRS. KILLJOY
Mrs. Killjoy,
Ang disgrasya mahitabo gyud no pero pwede na siya malikayan kon mag amping.
Pasabta ang imong bana nga mag motor gani, dili kay tungod sa pride nga maka afford na siya ug dagko pa gyud.
Ingna siya nga sugod lang sa basic nga gamay kay wa pa diay na siya ka motor ug di pa siya suhito og 2 wheels ug dako gyud og chance nga madisgrasya labi na kon anad.
Bug-at baya na, pero wa man sad nimo gisulti unsa kadako ang imong bana.
Pero nabantayan baya nako kon asa to mga mugbo sama nako, hilig og big bike.
Pero kon di siya papugong, ingna lang okay ang big bike pero cruiser lang, ayaw lang sa nang hapa-hapa.
Until masweto na siya sa pag motor. Meet halfway nga di sad siya mangluod.
Basta amping lang gyud. For me, mas maayo na ang motor kay sa mang chicks (hahaha). Kuyaw sad mopaangkas og lain (joke).
PAPA JOE
(sa inyong tampo ipadala lang sa papajoesuperb@gmail.com)
