Usa ka 9 anyos nga batang lalaki nga missing napalgang patay sa Martes sa buntag, Septiyembre 19, 2023, sa Sityo Abante, Brgy. Casoy, Toledo City, tunga-tungang kasadpang Sugbo.
Base sa imbistigasyon ni Police Master Sergeant Alby Agua, under direct supervision sa ilang hepe nga si Lt. Col. Manolo Salvatierrra, ang biktima giila nga si Joshua Resuerto.
Matod pa sa ginikanan niini nga na missing ang ilang anak mga alas 6 sa gabii sa Lunes, Septiyembre 18, 2023.
Nagsige sila og pangita apan sila napakyas.
Mga alas 6 sa buntag sa Martes nakit-an na kini sa iyang lolo ubos sa punoan sa santol nga patay na,
Ang nakagiya sa lolo nga makit-an niya ang iyang apo mao ang tsinilas niini nga diha sa ubos sa punoan sa santol.
Gituhoan nga nisaka ang bata sa punoan kay nanguha og bunga apan wa mabantayi nga nahagbong. (DVG)
