Nagtinguha ang Indiana Pacers nga i-trade ang usa sa ilang mga sinaligan nga si Buddy Hield human napusgay ang ilang negusasyon kabahin sa contract extension.
Si Hield nabalhin sa Indiana sa niagi lang tuig pinaagi sa trade nga naghatod kang Domantas Sabonis ngadto sa Sacramento Kings.
Nag-average si Hield og 16.8 puntos sa 31 ka minutos nga playing time sa miaging 2022-23 season sa National Basketball Association (NBA).
Si Hield, 30, mopatong sa iyang katapusang season sa four-year contract nga iyang gipirmahan dihang naa pa siya sa Sacramento. / AP