Nakadesisyon ang San Miguel Beermen nga mokuha og bag-ong import alang sa ilang kampanya sa 2023 Philippine Basketball Association (PBA) Commissioner’s Cup.
Ang napilian sa Beermen mao si Globe-trotting Tyler Stone, kinsa mabunyagan sa pagduwa sa PBA inig sugod sa Commissioner’s Cup karong Nobiyembre 5, 2023.
Gikompirmar ni team manager Gee Abanilla nga nakapirma na og kontrata ang 6’8” ug 32 anyos nga basketbolista.
Si Stone, kinsa produkto sa Missouri and Southeast Missouri State, adunay taas nga kasinatian sa pagduwa sa overseas diin nakapakita na siya og aksyon sa Turkey, Greece, Russia, Italy, Israel, Puerto Rico, France, ug Japan.
Ang labing ulahi niyang naduwaan mao ang Rapid Bucuresti sa Romania, diin napili siyang 2023 Import Player of the Year (2023), All-Romanian League Player of the Year, ug Forward of the Year.