GIBAHIBAWO sa Commission on Elections-Davao Region (Comelec-Davao Region) Sabado, Septyembre 30, 2023, nga mga botante mahimo nang makabisita sa ilang mga tagsa nga buhatan sa Comelec aron nga ikompirma kung nalakip ba sila sa listahan sa mga botante sa 2023 Barangay and Sangguniang Kabataan Elections (BSKE).
Sa paghinabi sa radyo, gikanayon ni Comelec Acting Regional Director lawyer Gay Enumerables nga ning higayona, narehistrong mga botante mobisita na sa ilang buhatan aron nga susihon kung kuwalipikado ba sila alang "manual voting".
“Voters you may visit the Comelec office nato para ma-verify kung asa dapit mo magboto and para makita ninyo kung asa mo na presinto, kung asa nga eskuwelahan mo makaboto,” panawagan sa opisyal.
Dugang ni Enumerables nga por in kaso nga wala sa listahan, dunay posibilidad nga "deactivation" sa imong sitwasiyon isiip botante nga nagpasabot nga wala ka mibuto sa miaging duha ka eleksiyon, mahimong sa presidential o local elections.
Apan base sa Omnibus Election Code of the Philippines, "deactivation" magpasabot sab nga ang usa ka botante nahukman sa "final court ruling" nga mapriso sulod sa usa ka tuig; botante nga nalambigit og rebelyon o sedisyon; gideklara nga “insane or incompetent” sa usa ka awtoridad; botante nawad-an sa iyang Filipino citizenship; botante wala gipasalmot pinaagi sa mando sa korte; ug botante napakyas sa pag-validate sa iyang pagluwat - iyang biometrics wala makuha.
Sa pikas bahin, kung buot kang mag-reactivate sa imong kahimtang, di na kinahanglan nga moaplay isiip bag-ong rehistradong botante. Puwede lang nga mosuwat og application form; mag-andam sa gikinahanglan nga mga dokumento ug rekisitos ug isumite ngadto sa buhatan sa Comelec.
Ang 2023 BSKE gitakda sa Oktubre 30. (PR)
