Kolehiyo pasul-obon sab og mask

File photo
File photo

BUOT sa Davao City Health Office (CHO) nga palapdan pa ang ilang panawagan ngadto sa Commission on Higher Education-Davao Region (Ched-Davao Region) ug uban pang mga trabahoan sa siyudad bahin sa pagdaghan sa ihap sa sakit nga sama og trangkaso.

Gisulti ni CHO MD-Assistant Dr. Margie B. Roa-Rubio sa paghinabi sa radyo Biyernes sa buntag, Septyembre 29, nga dili lang kabataan ang naapektuhan sa sakit nga sama og trangkaso.

“Kon puwede gani mao tong nag-suggest mi nga kung ma-expand nato ang advisory not only to DepEd but also to Ched because we have college schools and we also encourage sa mga workplace,” tug-an ni Rubio.

Tumong niini nga kon dunay sip-on ug ubo ang usa ka tawo di siya makatakod sa iyang kauban sa trabaho.

Gawas sa trabahoan, gitumbok ni Rubio ang mga siradong mga lugar, ilabi na public transportation, mao ang mga lugar kon diin ang maong sakit mahimong motakod. Mao nga kinahanglan nga mogamit og face mask aron nga motabang nga di matakdan sa mga sakit.

Gidasig ni Rubio ang matag Dabawenyos nga magpabakuna alang sa trangkaso. Dugang pa niini nga ang bakuna sa trangkaso kasagaran ihatag una ang panahon sa ting-ulan, ilabi sa unang kuwarter sa tuig. Kung mabakunanan, mohatag kini og proteksiyon ngadto sa indibiduwal sulod sa usa ka tuig, mao nga ang buhatan nagdasig nga matag tuig ang katawhan kinahanglan nga mabakunahan niini.

Mahimo sab nga magpabakuna niini ang kabataan nga ubos sa usa ka tuig ug subling magpabakuna kung modako ang bata.

Apan ang local govenment unit nagtagana lang sa flu vaccines alang sa mga hamtong ngadto na sa mga senior citizens kay kabahin sila sa vulnerable group. Matud niya nga kung himsog ka nga pagkahamtong, ang pagtakod sa maong sakit di maghatag og risgo sa imong panglawas.

Gipaklaro ni Rubio nga krusyal nga magbantay sa pasyente kon nagbaton ba og flu-like symptoms tungod kay pipila sa mga sinyales sa respiratory infection susama ra sa dengue ug Covid-19 busa kung nakasinati sila niini, kinahanglan nga moadto sila sa ospital alang sa daling medikal nga pagtagad.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph