PAG-EKSPORT og 50,000 metriko tonelada (MT) nga durian mahimo kaayo ilabi na nga dunay kapasidad ang nasud nga makaprodyus niini. Kini ang gisulti sa usa ka opisyal gikan sa Durian Industry Association of Davao City (DIADC).
"Actually it’s doable, kasi ang supply natin for the whole Philippines is around… for 2016 data, it’s around 79,000 MT," sumala ni Emmanuel Belviz, presidente sa DIADC, nagtumbok sa pinakaulahing datus sa Philippine Statistics Authority’s (PSA) sa produksiyon sa lokal nga durian.
Sukad 2020, gikanayon sa PSA nga ang produksiyon sa durian moabot og 78,816 metriko tonelada (MT) niadtong 2020 gikan 1.3 milyon nga namunga nga mga punoan sa durian nga naa sa 16,582 ektaryang luna.
Samtang namatikdan nga niadtong Abril 6, ang Department of Agriculture-Davao Region (DA-Davao), sa pakig-alayon uban ang DIADC, nidispatsar og inisyal nga 28 metriko tonelada (MT) nga durian ngadto sa China, usa ka komponente sa $2 bilyon nga fruit export deal nga nakuha atol sa state visit ni Agriculture Secretary Ferdinand Marcos Jr. ngadto sa China niadtong Enero 2023.
Ang pagkomitar nagkanayon nga ang nasud kinahanglan nga mo-eksport og 50 MT direkta ngadto sa China.
Gani gikanayon ni Belviz nga hapit 5,000 metriko tonela nga durian ang gi-eksport na gawas sa Pilipinas sukad Septyembre karong tuiga, kapin sa katunga sa exports sa miaging tuig nga nitali og dul-an 2,300 MT.
Ang ihap sa eksport wala lang maglimita ngadto sa ngadto sa China, apan sa mga nasud usab ug lokasyon sama sa Hongkong, Japan, Singapore, United States of America, South Korea, Malaysia, Thailand, Japan, ug United Arab Emirates.
Hinuon, duna gihapoy mga hagit aron nga dugang mga uma makaprodyus og durian nga maayo alang sa eksport, sama sa pagbaton og durian farms nga dunay "good agricultural practice" (Gap) certifications, farm codes, Chinese Environmental Compliance Certificate (ECC) certifications, ug daghan pa. Ang mananumay og durian nga giprayoridad ang "backyard farming" usa sab ka hagit.
Isip tubag niining mga hagit, gipahimug-atan ni Belviz nga ang Department of Agriculture ug ang lokal nga government unit sa Davao City naningkamot sa paglusad og Gap training ug mga subsidiya. (ICE)