Kapin sa P 2 milyunes ang danyos sa sunog nga niigo sa alas 4 sa kaadlawon sa Lunes, Oktubre, 2, 2023 sa upat ka mga balay sa Purok Santol, Brgy. Calajoan, lungsod sa Minglanilla.
Si F01 Wilmar Alicante, imbestigador sa kabomberohan sa Minglanilla, nagkanayon nga ang unang balay nga nasunog gipanag-iya usa ka Rico Romano Sr.
Nikaylap kini sa duha ka silingan nga mga balay nila ni Josilita Romano ug Michael Saldua.
Samtang, partially damaged ang balay ni John Bloondy Bedeña.
Matod ni Alicante nga sa ilang inisyal nga imbestigasyon, ceiling fan sa ikaduhang andana sa balay ni Romano ang ni-overheat nga tungod usab sa higdaanan nga foam ug mga sapot, dali nga nidako ang kayo.
Way naangol sa maong sunog. (DVG)
