99% sa allowance sa Covid-19 nahatag na

Nakaapod-apod na sa 99.5 porsyento o P1.850 bilyunes ang Department of Health (DOH) Central Visayas sa bayad alang sa Health Emergency Allowance (HEA)/One Coronavirus Disease 2019 (COVID-19) allowance (OCA) alang sa kwalipikado nga mga healthcare ug non-healthcare workers sa mga pribado ug pampublikong hospital.

Ang maong pundo giapod sa 1, 657 ka aprubado ug kwalipikadong HEA gikan sa 253 ka mga pribado ug pampublikong health facilities alang sa ilang monthly claims. Walay labot niini ang DOH hospitals, treatment ug

rehabilitation centers.

Kini subay sa tubag sa DOH 7 ngadto sa United Private Hospital Unions of the Philippines (UPHUP) pinaagi sa suwat sa Septiyembre 28, 2023.

Sa naasoy’ng kantidad, moabot sa P558,409,937.50 niini ang nahatag na sa 289 ka mga HEA sa pribadong pasilidad.

“Despite this progress, there remain 929 unpaid approved HEAs with 225 from private facilities. This amount is expected to increase as validation report is still ongoing,” saysay suwat nga pinirmahan ni DOH-7 Regional Director Dr. Jaime Bernadas.

Nasayran nga ang UPHUP niduso og pormal nga reklamo batok sa DOH sa giingong Anti-Red Tape Authority tungod sa nangalangay nga disbursement sa P5.8 bilyunes nga allowances alang sa kapin 53,000 ka mga medical frontliner nga miserbisyo atol sa Covid-19 pandemic.

Gihimug-atan sa grupo ang Republic Act No. 11032, o ang Ease of Doing Business and Efficient Government Service Delivery Act of 2018.

Ubos sa maong grupo ang 26 ka mga hospital union members. Samtang 129 ka healthcare institutions nga wala mipaubos sa union ang giingong nangayo og tabang sa maong grupo alang sa samang rason. (ANV)