P1 temporaryo nga umento sa pletihan
Human sa mga semana sa sunodsunod nga pagsaka sa presyo sa petrolyo, ang Land Transportation and Franchising and Regulatory Board (LTFRB) nihatag og provisional P1 nga umento sa plitehan sa jeepney niadtong Martes, Oktubre 3, 2023.
Gipahibalo sa LTFRB nga ang pag-adjust sa plitehan magamit sa tibuok nasod, nga makaapekto sa tradisyonal ug modernong mga jeepney. Epektibo kini sugod sa Dominggo, Oktubre 8.
Ang mga tradisyunal nga jeepney makasinati sa ilang minimum nga pagsaka sa plitehan gikan sa P12 ngadto sa P13, samtang ang modernong jeepney makasinati og usbaw gikan sa P14 ngadto sa P15.
Apan, mahimo nga temporaryo lang kin’ng pagsaka sa plitehan, tungod kay ang LTFRB anaa pa sa proseso sa pagkonsiderar sa petisyon alang sa mas dako’ng P5 nga umento sa pletihan nga gisumite sa Pasang Masda, Alliance of Concerned Transport Organization, ug Alliance of Transport Operators and Drivers Association of the Philippines.
Kini nga petisyon nagtinguha nga patas-an ang base nga plitehan sa tradisyonal nga mga jeepney gikan sa P12 ngadto sa P17 sa unang upat ka kilometro, nga adunay dugang nga usbaw nga P2.80 sa matag mosunod nga kilometro.
Ang panginahanglan alang niining mga pag-adjust sa plitehan mitumaw tungod sa padayon nga pagsaka sa presyo sa gasolina sulod sa 11 ka semana nga yugto, nga nagmugna og mga hagit sa panalapi alang sa mga jeepney operator ug mga drayber. (KJF)
