Nilingkod na sa katungdanan ang bag-ong hepe sa Cebu Police Provincial Office (CCPO) nga mao si Police Colonel Percival Zorilla, kanhi pangulo sa Regional Personnel and Records Management Division 7.
Nangulo sa seremonyas mao ang direktor nga si Police Regional Office (PRO 7) Police Brigadier General Anthony Aberin.
Si Zorilla sakop sa Philippine National Police Academy (PNPA) Kabalikat class of 1998.
Nagpasalamat ang bag-ong CPPO director kang Cebu Governor Gwen Garcia sa pagpili kaniya nga modumala sa kapulisan sa lalawigan.
Iyang gipasalig nga andam nga motrabaho alang sa kahusay ug kalinaw sa probinsya.
Mando ni Aberin sa kapulisan sa probinsya nga sundon ang basic sa ilang pagpamulis ilabi na ang Police Operational Procedure aron dili masipyat sa ilang trabaho.
Hugot nga ipatuman ang crime prevention program nga mao ang police visibility, beat patrol, pag-serve sa warrant of arrest, search warrant, siguridad sa mga vital installation ug uban pa aron magpabilin nga luwas ang komunidad.
Gusto ni Aberin nga naa sa karsada ang mga police ug dili magsalig sa CCTV ug drone patrolling sanglit ang labing epektibo sa pagpugong sa krimen mao ang police visibility.
Gisanong usab kini ni Zorilla.