Usa ka gradwado sa University of San Jose-Recoletos (USJR) ang no. 1 sa Licensure Examination for Certified Public Accountants, samtang ang laing graduwado sa University of San Carlos (USC) nahimutang sa ika-6 nga pwesto sa samang licensure test.
Si Hebban Talib Tawantawan sa USJ-R nakigbahin sa unang puwesto uban ni Allaine Beduya Collamar sa University of the Philippines (UP) Tacloban.
Si Megan De La Torres Mendoza sa USC nahimutang sa ikaunom kauban si Allyssa Nicole Calanog Arches sa Polytechnic University of the Philippines-Main Sta. Mesa ug Paula Angela Mendoza Magdugo sa UP Diliman.
Sila si Tawantawan ug Collamar nakakuha og rating nga 91.17 percent, samtang sila si Mendoza, Arches ug Magdugo nakakuha og 89.17 percent.
Ika-2 — Frances Anne Balela Foronda sa Isabela State University-Echague - 90.50 porsyento
Ika-3 — John Patrick Soriben Fronda sa Phinma-UPang College Urdaneta Inc. ug Aldrich Carl Pineda Galang sa Don Honorio Ventura Technological State University - 90.33 porsyento
Ika-4 — Mark Johnrei Jardin Gandia sa University of Santo Tomas ug Jedrick Manalo Natividad sa Polytechnic University of the Philippines-Main Sta. Mesa - 89.83 porsyento
Ika-5 — Tyroone Baguio sa Pamantasan ng Lungsod ng Valenzuela - 89.33 porsyento
Ika-7 — Kate Wenjie Villanueva Basoy sa UP Visayas-Iloilo City ug Aira Nicole Altres Sabornido sa UP Tacloban - 89 porsyento
Ika-8 — Joseph Angelo Bactao Ogrimen sa Unibersidad sa Santo Tomas - 88.83 porsyento
Ika-9 — Romelyn Sarmoy Gabanto sa Central Philippine University - 88.67 porsyento
Ika-10 — Christian James Bautista Millando sa Far Eastern University-Manila, Neshel Gustillo Sinco sa Ateneo de Davao University, ug Djohamie Denise Velasco Urayan sa Kingfisher School of Business and Finance - 88.33 porsyento
Ang kompletong listahan sa malampusong examinees naa sa website sa Professional Regulation Commission (PRC).
Sumala sa PRC, 2,740 sa 8,734 ang nakapasar sa licensure exam nga gipahigayon sa Board of Accountancy sa Metro Manila, Baguio, Butuan, Cagayan de Oro, Calapan, Cebu, Davao, Iloilo, Koronadal, Legazpi, Lucena, Pagadian, Palawan, Pampanga, Rosales, Tacloban, Tuguegarao ug Zamboanga niadtong Septiyembre 2023.
Matod pa niini, ang rehistrasyon alang sa pag-isyu sa Professional Identification Card (ID) ug Certificate of Registration himuon online sa Nobiyembre 28-29, Disyembre 1 ug Disyembre 4-7, 2023. / LMY
