Giawhag ni Cebu City Acting Mayor Raymond Alvin Garcia ang tanang local government units (LGU) nga magtinabangay aron makab-ot ang tinuod nga nasudnong kaugmaran.
Matod ni Garcia nga tinuod nga dunay developed nga mga dakbayan ug mga lungsod, apan duna say mga lungsod nga gi-classify pa nga 4th and 5th class municipalities tungod kay ubos ang ilang ranking sa natad sa Economic Dynamism, Government Efficiency, Infrastructure, Resiliency, and Innovation.
“Our individual efforts have paved the way for the transformations we see in our respective municipalities and cities, but it is through cooperation and collaboration that we can truly shape the future we aspire to,” matod ni Garcia sa iyang pakigpulong atol sa 7th Asian Council Forum (ACF) Conference nga gipahigayon sa Sugbo sa miaging semana.
Ang ACF Conference gipasiugdahan sa national chapter sa Philippine Councilors League (PCL), nga karon gidumala nila ni PCL National Chairman Raul Corro, ug Secretary General Gina Gulanes Perez, ug Department of the Interior and Local Government (DILG).
Ang kalihukan gi-host sa PCL Cebu City Chapter, ubos sa pagpangulo ni Cebu City Councilor of PCL Cebu City Chapter President Joy Pesquera.
Ang conference gitambungan sa mga city ug municipal councilor nga gikan pa sa nagkalainlaing LGUs sa nasod. Apan karong tuiga duna say delegates gikan sa Japan, Maldives, ug Taiwan.
“The PCL through its ACF program is a testament to the power of unity within our diverse communities. In the spirit of cooperation, innovation, and shared purpose, we come together to strengthen bonds, exchange ideas, and ignite the flame of progress,” si Garcia niingon.
“As we convene, let us reflect on the tremendous strides we have collectively achieved and the boundless potential that lies ahead,” siya nidugang.
Gipasabot ni Garcia nga ang kooperasyon mahimong himuon pinaagi sa benchmarking o ang paghatag sa LGUs og access sa ilang best practices ngadto sa laing LGUs, ug sa pagmugna og joint development initiatives.
Apil sa conference ang technical discussions sama sa kamahinungdanon sa sister cities relations, digitalization sa legislative procedures ug records, ug tulo ka benchmarking visits.
Si Garcia mi-host sab og usa ka friendship golf tournament human sa conference, ug niuban sa NCR ug Metro Manila PCL delegation dihang mibisita sila sa Barangay Kamputhaw, home barangay sa bise mayor, aron mo donate og bag-ong 55-inch nga TV ug sound system sa Kamputhaw Elementary School.
“I would like to extend my utmost thanks sa Metro Manila Councilors League, headed by Couns. Kit Peralta and Coun. Carol Cunanan, and the Philippine Councilors League - NCR, led by their president, Coun. Bojie Bernardino, for going on outreach and donating (equipment) to the Kamputhaw Elementary School,” matod sa usa ka post sa Facebook ni Garcia.
“Dako gyud kaayo og impact ang inyong gibuhat for the education and betterment of the pupils in Kamputhaw Elementary School, its teachers, and its principal, Ms. Virginia Cainghog. And as someone from Kamputhaw, all I can say is salamat gyud kaayo,” dugang niya.
Si Garcia, pangulo sa PCL Cebu City ug Regional Chapters, dihang kini usa pa ka konsehal. Siya na karon ang pangulo sa Vice Mayors League of the Philippines Cebu Chapter ug Executive Vice President sa VMLP National. (RRM gikan sa PR)