Ang mga tripulante sa usa ka roll-on, roll-off nga barko naluwas human ang usa ka tangke sa chlorine nabuslot human nahulog samtang gikarga sa barko.
Ang insidente nahitabo mga ala 1 sa hapon sa Sabado, Oktubre 7, 2023, samtang nangandam ang tripulante sa M/V Filipinas Surigao del Norte alang sa biyahe paingon sa Calbayog City, Samar.
Si Coast Guard Station Central Cebu Commander Mark Larsen Mariano nagkanayon sa usa ka interbyo sa TV nga ang insidente nahitabo unom ka oras sa wala pa ang pagsakay sa mga pasahero sa dihang gikarga ang mga kargamento.
“Nangyari habang nag loload siya sa cargo” ni Mariano.
Ang 38 ka mga tripulante anaa sa barko dihang nahitabo ang insidente. 11 ka tripulante ang nahatagan og first aid ug upat ang gidala sa labing duol nga tambalanan.
“Sa traynta otso nga mga tripulante nga sakay adunay onse nga nakadawat og first aid,” matod ni Mariano
Giklaro ni Mariano nga usa lang ka cylinder sa liquid chlorine ang na-leak, sukwahi sa unang mga taho nga adunay upat. Matod pa niya walay nahitabong pagbuto tungod kay wala mabuak ang sudlanan ug balbula ra ang nadaot.
“Actually it’s not an explosion kasi kung explosion alam naman natin may big bang,” matod ni Mariano
Si Mariano miingon usab nga ang barko nalimpyo ug nakabiya na human kini na-decontaminate.
Si Senior Fire Officer Wendell Villanueva, sa Cebu City Fire Office, niingon nga ang Bureau of Fire Protection (BFP)-Special Rescue Force, uban sa BFP-Cebu City Fire Station personnel ug Emergency Medical Services, niresponde sa insidente.
“Cebu City port was under the command and control of the Bureau of Fire Protection. Passengers trapped inside the vessel were safely rescued and evacuated and further given medical care,” matod ni Villanueva. (RJM)