Nisupak sa gun ban nagkadaghan

DAVAO. Ang mga pulis ug mga police auxiliary sa Sta. Ana Police Station naminaw sa ilang Deputy Station Commander nga si Police Captain Rizalito Clapiz III alang sa mga tahas nga ilang regular nga ginahimo sa matag adlaw. (Unsung Hero)
DAVAO. Ang mga pulis ug mga police auxiliary sa Sta. Ana Police Station naminaw sa ilang Deputy Station Commander nga si Police Captain Rizalito Clapiz III alang sa mga tahas nga ilang regular nga ginahimo sa matag adlaw. (Unsung Hero)

SUBAY sa hugot nga pagpatuman sa mga balaod panahon sa Barangay and Sangguniang Kabataan Elections (BSKE), ang Davao City Police Office (DCPO) nakatala na og 18 ka mga tawo nga nadakpan gumikan sa pagsupak sa balaod sa eleksiyon.

Sa gipagula nga datus sa DCPO, anaa ana sa 18 ka mga tawo ang ilang nadakpan gumikan sa kalapasan sa paghupot og armas ug ubang deadly weapons sa gipatuman nga gun ban.

Ang datus nagsugod Agosto 28, 2023 hangtud Oktubre 8, 2023 diin anaay 32 ka mga positive operations nga gihimo.

Sa maong operasyon, na-rekober ug nasakmit ang 24 ka mga firearms ug ang 21 ka mga deadly weapons.

Si DCPO Spokesperson Police Captain Hazel Tuazon nagbutyag inga bunga kini sa hugot nga pagbantay sa kapulisan diha sa ilang makanunayong police visibility sa mga strategic areas.

Kini nga kalampusan subay sa 2,898 ka mga higayon sa pagpahigayon og checkpoint diin dunay 69 ka mga matigayong checkpoints sa matag adlaw.

Mikabat kini sa 23,184 ka mga personalidad sa kapulisan ang na- deployed diin mi-total sa 139,104 ka oras.

Natala sab sa maong mga adlaw ang 42 ka mga checkpoints sud sa 24-oras pinaagi sa joint-AFP/PNP Comelec Checkpoints sa tulo ka mga lugar nga mao ang Sirawan, Toril; Licanan, Bunawan; ug sa Lacson Calinan.

Sa maong mga oras mi-total kini sa 1,008 nga mga pulis ang na-deployed, dunay 1,134 ka mga sakop sa Task Force Davao (TFD) nga mi-total sa 2,159,136 oras, diin kung isuma-total sa DCPO established checkpoints ug sa TFD dunay kinatibuk-ang oras nga 2,298,240 oras.

Suma ni Capt. Tuazon nga kini ang usa sa ilang gipangusgan ug gipahugtan karon sanglit karong Oktubre 19-28 na ang campaign period, diin sa Oktubre 30, 2023 gikan alas 7 sa buntag hangtud alas 3 sa hapon ang Election Day.

Buot sa awtoridad nga mapabilin gayod ang kahapsay ug kalinaw sud sa 182 ka mga barangay sa Davao City.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph