Ang sagpa sa iyang magtutudlo di maoy nakaingon sa kamatayon sa 14-anyos nga Grade 5 student nga taga Antipolo Rizal, matod sa kapulisan.
Si Antipolo City police officer-in-charge Lieutenant Colonel Ryan Manongdo niingon sa Miyerkules sa gabii, Oktubre 11, 2023, nga base sa gihimong eksaminasyon sa lawas ni Francis Jay Gumikib, namatay siya tungod sa “rare” o talagsaon nga kondisyon sa utok.
Matod niya nga ang findings nahisgutan na ngadto sa pamilya ni Gumikib.
Matod ni Manongdo nga ang magtutudlo ma-clear sa reklamong homicide apan ila pang gitan-aw ang posibleng pagpasaka og kasong child abuse batok kaniya, depende sa discretion sa mga ginikanan ni Gumikib.
Matod niya nga ila usab nga gitambagan ang mga ginikanan sa bata nga mokonsulta sa laing eksperto kon aduna silay pagduda.
Sa buwag nga press conference sayo ning adlawa, si Lieutenant Colonel Maria Anna Lissa dela Cruz, chief medico legal officer sa Rizal provincial field unit, niingon nga base sa autopsy ug histopathological examination, ang hinungdan sa kamatayon ni Gumikib mao ang cerebral edema secondary to intra-cerebral hemorrhage. Nahiuyon kini sa ruptured arteriovenous malformation, nga “dili-traumatic nga kinaiya” ug “wala mahibaw-i ang hinungdan.”
Sa yano nga pagkasulti, ang hinungdan sa intracerebral edema mao ang pagpanghubag sa utok ug intracerebral hemorrhage ang pagdugo sa utok.
“Sinabi natin na non-traumatic ang nature ng pagputok ng ugat na yun is mostly it’s a rare condition but it’s the most common cause of intracerebral hemorrhage considering the age group of our patient also. It’s the symptoms or the hemorrhage occurs between 1 to 18 years old,” siya niingon.