GAWAS sa kontrobersiyal nga sex education, sugdan na usab sa pagtudlo karong Hunyo ang consumer education ngadto sa mga tinun-an sa high school.
Nagkasabot ang Department of Education (DepEd) ug Department of Trade and Industry (DTI) nga tudloan ang mga tinun-an unsaon nga mahimong intelihente ug responsabling konsumidor.
Dunay giandam ang duha ka mga ahensya nga 10 ka mga module alang sa consumer education nga i-integrate sa subject sa high school, pribado ug publiko, apil na sa alternative learning system (ALS).
Ang mga leksyon maglakip sa fair trade law sama sa Consumer’s Act of the Phils. Price Act and Standard Law ug ang responsibilidad ug katungod sa usa ka konsumidor.
“The best way to ensure that our consumers’ rights and responsibilities are well-protected is through education,” nagkanayon si Valisno, kinsa niingon nga ang ilang programa nalatid gyud sa Republic Act 7394 kun Consumer’s Act.
Si DTI Sec. Jesli Lapus, nga kanhi education secretary, nipasabot nga kinahanglang masayran na sa mga tinun-an ang katungod sa usa ka konsumidor isip kabahin sa iyang societal role.
“Through this partnership with DepEd, we want our students to make wise choices, get value for their money as well as influence their families in becoming informed and smart consumers,” pasabot ni Lapus. (CPL)