DAVAO DEL NORTE -- Giawhag karon sa direktor sa kapulisan ang mga kriminal nga maghinulsol ang mga kriminal ning pagsaulog sa Semana Santa.
"Araw ng Panginoon ngayon. Magnilay-nilay muna kayo. Magdasal muna tayo," pahayag ni Davao del Norte Provincial Police Office Director Samuel Gadingan ngadto sa mga kriminal.
Si Gadingan mipatuman sukad niadtong Lunes sa Oplan Semana Santa nga mahuman karong Lunes, Abril 6.
Gisaysay sa hepe sa kapulisan sa probinsya nga nagpabiling hilom ug malinawon ang probinsya.
Siya nagsulti nga nanghatag sab sila og mga papel nga dunay suwat pahibalo sa katawhan.
"Nakasulat sa flyers yung mga tips paano maiwasan na mabiktima ng mandurukot lalo na sa mga terminal," yagyag sa opisyal.
Gikumpirma niini nga notado na sa han-ay sa kapulisan ang pagdagsa sa mga tawo sa mga terminal hinungdan nga alerto sab ang kapulisan.
Giangkon niini nga ang sa Island Garden City of Samal ang dagsaon sa mga tawo mao nga kinahanglan mag-amping ang katawhan bisan dunay magbantay nga pulis ug Task Force Davao.
"Magpasensya po kayo sa delay at pila. Talagang ganun po," hangyo sa opisyal sa mga tawo nga moadto sa Samal.
Nanawagan sab siya nga sirhan gyud ang balay kung molakaw ang tag-iya niini.
"Kung aalis kayo ng bahay, e, kung dyan lang naman sa malapit lang din sa bahay ninyo kayo magliwaliw, mas maigi na merong maiwan. Magrelyebo kung sino ang pwedeng maiwan sa pamamahay," sulti sa hepe.
Nanawagan usab siya sa kapulisan ubos sa iyang kamandoan nga seguruhon ang seguridad sa katawhan atol sa ilang bakasyon, pag-lingaw-lingaw ug pag-ampo. (Domilyn Ramos-Pico)