Amahan nga gipusil, namatay

NAKABSAN sa kinabuhi ang usa ka amahan nga gipusil niadtong nilabayng adlaw sa Barangay Tubigon lungsod sa Maramag, Bukidnon.

Wala maagwanta ni Florante Torigosa, 28, sa naangkon samad pinusilan sa nawong niini.

Gidala sa Northern Mindanao Medical Center (NMMC) ning siyudad sa Cagayan de Oro si Torigosa mga alas 2:00 sa kadlawon niadtong Miyerkules apan mga alas 9:00 sa buntag nakabsan kinsa sa iyang kinabuhi.

Gibutyag sa guard on duty niadtong tungora nga nahinabi sa Sun.Star Superbalita nga paingon unta nga operahan ang biktima tungod kay wala man nakuha ang bala nga miigo sa nawong niini diin kini mihubag og maayo, wala na niini maagwanta ug namatay kini.

Kahinunmduman nga si Logirosa gipusil sa wala mailing suspetsado samtang nagbaklay pauli sa iyang gipuy-an.

Naigo ang aping sa biktima nga nilapos sa kilid nga bahin gamit ang wala matinong kalibre. Wala usab mahibaw-i kinsay responsible sa pagpamusil human ang mga anak sa biktima niini niingon nga walay gikaaway si Torigosa.

Padayon pa ang gihimong imbestigasyon sa kapolisan sa Bukidnon Police Office sa suspetsadong namusil sa biktima. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph