DILI nako masabtan ug ngano nga gikinahanglan pa ang kagamhanan sa nasud mogasto sa sobra P230 milyon para lang sa pagpanumpa sa atong bag ong presidente nga si Noynoy Aquino. Gi-ayo ang Quirino Grandstand diin didto ipahigayon ang pagpanumpa.Didto usab sa maong lugar ang pagsayaw ug kanta unya sa atong bag-ong Presidente.

Klarong pagusik-usik sa kwarta sa nasud ang maong sobrang galastuhan. Layo ra kaayo ang gihimng oathtaking ceremony ni US President Barack Obama niadtng tuig 2008. Walay bonggang street party nga nahitabo.

Nganong dili na lang himoon nga simple ang oathtaking? Dili na kinahanglan pa nga mogasto pa ang gobyerno sa buhis sa katawhan sa gatusan ka milyon alang lamang niining usa ka adlaw nga kalihukan. Ako nagtoo nga mas dali man usab nga masabtan sa atong mga katawhang Pinoy kung nganong himoon unta nga simple ang maong okasyon. Ang mga prominente ug mga dignitaries na lamang ang imbitahon alang sa usa ka inaugural dinner alang kanila.

Pagka anugon sa P230 milyon ng gasto niini. Pwede pa unta kini nga magamit alang sa pagpalapad sa Poverty Alleviation program sa atong umalabot pangulo sa nasud. Daghan pa untang mga kabus nga kanunayng nagkutoy ang tiyan sa kagutom ang makatagamtam sa temporaryong kahupay niini. Daghan pa unta sa mga katawhan nga matagaan ug igong suporta sa ilang gikinahanglan nga ipalit sa tambal ug uban pang panginahanglan kontra sa ilang gihambin nga mga balatian,kansang paglaum anaa ra nalantaw nila sa tabang nga itunol sa gobyerno.

Ako hugot nga nagtoo nga mamahimong moubos diha-diha ang popularity rating ni P-Noy, sa panahon nga dili niya matuman ang mga sintibong mga saad niini sa masang Pilipino niadtong panahon sa kampanya. Kung imong aninawon, sa daw puro imposibleng matuman kining maong mga saad. Kung matuman man uroy, misteryo ug tanghaga na lamang ang mamahimong sangputanan niini.

****

Namatikdan na karon nga daku kaayo ang ambisyon ni Jejomar Binay nga mag Presidente sa nasud sa tuig 2016,mao man bitaw nga gusto gayud niya nga mahuptan ang pagka DILG Secretary kay gusto niyang maghari sa tanang mga LGUs sa nasud. Gusto pud niyang mamugas-pugas na daan mintras aduna pay kahigayunan. Ambisyoso!!!!

Kun tinud-anay ang laraw ni Vice President-elect JCB sa iyang pagdagan niadtong Mayo 10 nga eleksiyon mao ang pagserbisyo sa katawhang Pilipino, modawat unta siya sa gitanyag ni President-elect Benigno Simeon Aquino III nga posisyon sa iyang kabinete ug dili siya angay magbuot.

Kun serbisyo pa ang iyang laraw ug dili ang labing dako niyang damgo sa umalabot 2016, dawaton niya ang pagka-kalihim sa Department of Agrarian Reform, pagka-tsirman sa Housing and Development Coordinating Council ug Metro Manila Development Authority.Busa katawhan, lamang gihapon ang napilde niini kay imbes daku ang atong pagtoo nga makabaton ug mga lider sa nasud nga mga maligdong, interes naman hinoon sa ilang kaugalingon ang kanunay mopatigbabaw. Pagka looy sa PINOY!!!!!

Atangi mga pare/mare ang 801r, 906r, 389r, 769r ug 657r, 798r (2 p.m.,5 p.m. ug 9 p.m.) July 2 -0- 8, 2010. Alang sa inyong mga reaksyon o opinion text 09187095145 o email sa dxco1044@yahoo.com.