"BEHIND a man's success is a woman."
Natay-og ang pulitika sa nasud, dihang pormal nga gianunsiyo ni President Benigno "Noynoy" Aquino III ang iyang tumong nga mopapili pagka-pangulo.
Obvious nga nangharus gyud si P-Noy tungod gibiyaan niya og dakong boto ang sunod niyang presidentiable, former president Joseph Estrada.
Niadtong Miyerkules pormal na sab nga gi-inagurahan si P-Noy nga gisaksihan sa libuan ka mga supporters.
Sukad nga mipahibawo si Noynoy sa iyang interes sa pulitika, naukay na sab bisan ang iyang personal nga kinabuhi.
Wa gyud siya lum-i sa mga tsikadora, gipuga to the highest level aron mohatag og pahayag hilabi na sa iyang lovelife.
Aside sa iyang plano sa pagreporma sa nasud, gisumsuman sab sa media people ang ispesyal nga babaye sa iyang kinabuhi.
Asa man moadto ang bag-ong pangulo, perme gyud malakbitan sa paghisgut ang babayeng may ispesyal nga luna kaniya.
Kini si Shalani Soledad, ang hinigugma ni P-Noy.
Knows ba ninyo kun kinsa si Shalani? Well, buot sa Superbalita nga makahatag og ginagmay nga detalye kalabot sa ginganlan og 'First Girlfriend.'
Natapos niya ang iyang elementary ug high school years sa Marymount School.
Mi-gradwar sab siya sa kursong Human Resources Management sa Dela Salle University, College of Saint Benilde.
Si Shalani, 30 anyos nga konsehala sa Valenzuela City.
Pag-umangkon ni kanhi senador Francisco 'Kit' Tatad.
Si Noy ug Shalani una nga nagkita niadtong 2001, dihang gitahasan ang dalaga nga interviewhon si Aquino alang sa usa ka proyekto.
Subli na sab sila nga nagkita, Agosto 2008 sa Alfredo's restaurant sa Quezon City, samtang uban ang tagsa-tagsa nila ka mga higala.
Mosunod nga bulan, gipaila-ila na sa bag-ong pangulo si Shalani sa iyang mga higala, say pa, nagagawas na sila.
Una pa man na-reveal ang relasyon sa pangulo kang Shalani, nasayran na sab sa kadaghanan ang mga kanhi karelasyon niya kaniadto nga usa ka stewardess, staf ni Senator Francis Pangilinan, ug duha ka aktres.
Nagka-relasyon sab si P-Noy ug broadcasters nga si Korina Sanchez, nga karon esposa na ni Sen. Mar Roxas.
Tungod sa layo nga gintang sa ilang edad daghan ang nag-worry nga di molungtad og dugay ang relasyon sa duha.
Apan as they say, in love age doesnt matter diba?
Di sama ni Noynoy nga gitutukan gyud sa media ang kinabuhi, tungod sa iyang ginikanan, artista nga igsuon, si Shalani, midako sa simpleng kinabuhi.
Niadtong Miyerkules atol sa inagurasyon ni P-Noy, hilum lamang nga misaksi ang dalaga.
Suot ang bongga niyang Filipina-inspired gown, mas gipili sa konsehala nga modistansiya sa jowa aron di mailog ang eksena sa bag-ong pangulo.
Na-tsika sab kaniadto nga di siya feel sa kinamanghurang igsuon ni Noy nga si Kris Aquino.
Apan, ang maong isyu na-settle na, diin gipamatud-an ni Krissy nga suportahan niya ang iyang Kuya Noy sa mga butang nga makapalipay niya.
Dialogue ni Shalani, paningkamutan niyang sabton, masuportahan ang ka-relasyon hilabi na nga gihuptan na niini ang pinakataas nga posisyon sa nasud.
Karon, gipaabot na lamang sa kadaghanan kun kanus-a mag-usa sa kaminyuon ang duha, diin say pa sa pipila, daw di pa kini mahitabo samtang busy pa si Pres. Noy sa pangatundanan.