WA gyud kahibawo si Harry Angping kon kinsa gyud ang mopuli kaniya isip chairman sa Philippine Sports Commission.
"I really don't know," matod ni Angping niadtong Miyerkules.
Posibling gilanganlangan lang una pagpahibawo ni President Aquino ang molingkod sa maong puwesto o kaha wa pa siya makadesider kon kinsa gayod ang tudloon.
Ang bag-ong giproklamar nga Presidente mianunsyo na sa iyang mga kabinete ug posibling duna pay uban niyang atimanunon una pa ang ubang butang sama sa sports.
Sa sayo pa, milutaw ang mga pangalan nila ni Robert Jaworski Jr. ug kanhi amateur boxing chief Manny Lopez nga maoy posibling mahimong PSC chairman.
Apan matod ni Angping nga sigon sa ilang panaghinabi dili interesado si Jaworski sa maong puwesto.