HATAGAN og bag-ong image sa administrasyon ni Cebu City Mayor Michael Rama ang Cebu City Traffic Operations Management (Citom) pinaagi sa pagtangtang sa mga badlungong mga enforcer ug pagbag-o usab sa ilang uniporme.

Kini ang gipahibawo ni kanhi Konsehal Sylvan Jakosalem, ang pangulo sa Citom, kinsa nangayo nag listahan sa mga enforcer nga dunay di maayong performance aron ma-monitor.

Click here for Election 2010 updates

“We just want to know kinsa ning mga enforcer nga nahibaw-an sa publiko nga mangilkil ug tapulan,” nagkanayon si Jakosalem sa interview sa Sun.Star Superbalita.

Ang mga badlungong enforcer obserbahan sud sa tulo ka buwan. Apan kadtong mga enforcer nga under probation, matod ni Jakosalem nga wa na gyuy puruhan pa nga i-renew sila.

Di hinuon kabalak-an kon dunay matangtang nga mga enforcer kay matod ni Jakosalem nanawat naman sila og aplikante nga ipaubos sa duha ka buwang training.Sila unya ang ihulip sa pwesto sa mataktak nga enforcer.“We just want to clean-up the Citom,” matod ni Jakosalem kinsa niangkong daghan gyung reklamo batok sa mga enforcer nga giingong mangilkil ug di magtinarong sa trabaho pinaagi sa pagbiya sa ilang mga pwesto.(CPL)