LAST Wednesday, nagsaulog sa iyang birthday si Ruffa Gutierrez.

Say pa nga few hours before the party nagka-problema ang aktres tungod wala miabot ang iyang gown nga suoton sa himuong party.

Ang bejewelled nude mini dress ni Ruffa nga ginama pa sa Dubai-based Filipino fashion designer nga si Michael Cinco, natanggong sa Bureau of Customs tungod holiday sa maong adlaw.

Na-tense kadali ang beauty ni Ruffie, apan maayo na lamang nga to the rescue ang fashion designer niya nga si Jun Escario.

With this, nahinayon gyud ang bonggacious, James Bond inspired birthday ni Ruffa sa Republiq Bar sa kauluhan.

Say pa nga dos siyentos sab ka mga tawo ang naki-join sa birthday celebration sa aktres.

Present sab sa maong event ang lalaki nga sumala pa kauban ni Ruffa nga nag-bike palibot sa exclusive subdivision nga iyang gipuy-an.

Dihang gipangutana sa press kun unsa ang nawong niini, all smiles nga mitubag ang aktres nga mala James Bond ang postura niini.

"Hanapin n'yo na lang siya. Kamukha siya ni James Bond," say sa TV host.

Atol sa birthday party ni Ruffa may nasiplatan nga usa ka langyaw nga mala James Bond ang features nga lingaw kaayong nakigduwa sa mga anak sa aktres.

Say sa mga sources, Chris Parker ang name sa maong guy nga maoy uban ni Ruffa sa usa ka dinner.

Nagpuyo sab ang maong guy sa usa ka exclusive village sa Makati City nga silingan lamang sa mga Gutierrez.

Bisan unsaon sa pagpuga wa nay gihatag nga dugang detalye si Ruffa. Sama sa iyang gipamahayag kaniadto, mas unahon niya ang career ug iyang mga anak una ang love life.