SECTIONS
philippines
Thursday, October 28, 2021

Pavilion sa IEC sa Sept. mahuman

GIKATAKDA nga sa Septiyembre na hingpit mahuman ang labing una nga pavilion alang sa 51st International Eucharistic Congress nga ipahigayon dinhi sa Sugbo sunod tuig.

Giingon nga 77 nalang ka adlawa ang paa­buton aron mahuman ang edipisyo.

Usa ka santos nga misa ang gipahigayon kagahapon nga pinangulohan ni Cebu Archbishop Jose Palma lakip nga anaa sila si Cebu Archbishop Emeritus Ricardo Cardinal Vidal, IEC Secretary Ge­neral ug Auxillary bishop of Cebu Msgr. Dennis Villarojo ug ubang kapa­rian.

Lakip nga nitambong ang magtiayong Rafaelito ug Fe Barino nga maoy nipatindog sa IEC Pavillon, pinaagi sa Duros Development Corporation, mga tawong nitabang sa ubang gikinahanglan alang sa IEC, Cebu City Mayor Michael Rama, ug Cebu Provincial Administator Mark Tolentino isip representante ni Gov. Hilario Davide III.

Human sa misa gipahigayon dayon ang sere­monyas sa pagbubo sa katapusang semento ngad­to sa pundasyon sa pavilion.

Ang pagkatukod sa pavilion giisip ni Palma ug sa magtiayong Barino nga usa ka milagro tungod sa dakong pagsalig ngadto sa kahitas-an sa mga Sugboanon. Anaa na sa 82 porsyento ang nahuman sa pavilion, 95 porsyento sa secretariat building ug 69 porsyento sa main hall niini diin magtigom ang liboan ka mga obispo ug pari.

Samtang ipatangtang ni Rama ang center island sa St. Pope John Paul II Ave. atubangan sa San Carlos Seminary ug pavilion aron maminusan ang paghuot sa dagan sa trapiko.

Giklaro usab ni Palma nga dili personal nga nibalibad si Pope Francis sa pag-ari sa Sugbo atol sa IEC 2016, apan gilantawan lang sa komitiba sa Santo Papa nga daghan usab sa mga nasud ang nag-imbita kaniya nga duawon.

Subay usab sa maong kalihukan gilusad sa simbahan ang 51st international eucharistic congress book project lakip na ang pag-unveil sa cover niini.

Ang maong libro ka­bahin kini sa nagsingabot nga selebrasyon sa IEC nga ipahigayon dinhi sa Sugbo. 

style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph