MAGPADALA ang Davao og 42 miyembro nga delegasyon sa 2015 Batang Pinoy Luzon Leg karong Hulyo 18 hangtud 23 didto sa Bulacan.
Si Sports Development Division of the City Mayor's Office (SDD-CMO) staff Pochollo Elegino miingon sa Sun.Star Davao sa pakighinabi kaniya sa telephono, ang delegasyon gilangkuban og 34 atleta ug walo ka coaches nga makigtigi sa national finals sa judo, archery, baseball ug billiards.
"This lineup is endorsed by the Department of Education (DepEd) and I think the judo team will fare well because we will send almost the same lineup who performed well in the Philippine National Games (PNG). We are also hopeful in the performance of the baseball team," ni Elegino pa.
Dugang niya ang lokal nga gobyerno ang mogasto sa delegation's traveling expenses, meal allowances ug local transportation.
Ang delegasyon molupad padulong Bulacan ugmang adlawa, Hulyo 17, sa oras sa solidarity meeting ug ang opening ceremony sa Bulacan Sports Complex.
Base sa Batang Pinoy website, judo himuon sa Robinson's Place Malolos samtang ang baseball ug archery events dulaon sa Bulacan Sports Complex.
Ang billiards ipahigayon sa Rizal Memorial Sports Complex Billiard Hall.