BISAN pa man ug medyo no talk ang drama ni Kris sa truliling panghitabo sa ilang relasyon ni James Yap nakaw eksena gihapon ang igsoon ni Presidente Noynoy Aquino.
Bisan pa man ug natabunan ang isyu sa magtiayon atol sa inagurasyon sa igsoon niini sa pagka-presidente, di mahimong dili kini utingkayon.
Karon star gihapon sa limelight ang Kris Aquino tungod sa maong kontrobersiya. Daghan na kaayo ang atong nadunggan ug may lain-laing komento na silang gipabuhagay, dunay positibo dunay negatibo.
Apan si Kristeta ang babayeng puno gyud sa intriga ug kontrobersya, kon asa siya dad-on sa nahitabo karon sa ilang kaminyoon, nakasiguro ko nga usa ni sa nuntan sa madlang pipol. Mao nga karon pa lang maka-ingon ko nga bisag nagpalayo na ang Kris sa showbiz apan nakatutok ug ginuntan pa gihapon ang Kris sa mga isyu, ay’g saba!!!
“M3” malay mo madevelop, gisugdan na pag-Sabado sa gabii ug malipayon kaayo ang Ai-ai delas Alas sa sitcom diin sa unang higayon partner sila ni Aga Muhlach. Kon mahinumdoman dugay na kaayong gipangandoy sa komedyana nga makalabtim o makauban sa pelikula si Aga ug karon malipayon kini kay sa serye natuman man ang iyang damgo.
Apan kon si Aga kaha ang pangutan-on happy kini sa panag-partner nila ni Ai-ai, syemfre ug wa na lang siya say. Mag-selos kaha ang asawang Charlene Gonzales? ngeee.
Morag kon mahitabo man gani kini pagka-dakong gimik siguro ug way bisag usa sigurong motoo. Basta ang M3 ato lang nuntan ug tan-awon kon unsay dating sa team-up sa duha..ay’g saba!!!