DUGAY na kini nga dayag sa kadaghanan: ang maayong lider mao siya nga kamaong mosunod. Apan dugay na usab kita nasayod nga wa kini tumana sa mga naghupot og gahom. Hangtod nga ang pong liderato nahimong hanap sa atong

panumduman, lisod sabton, ug sa hinahinay hingpit nga napapas.

Mao usab kini ang nahitabo sa pong gobyerno nga sa teyoriya mao ikaw, ako, kitang tanan. Teyoriya nga naglutaw sa hangin, walay unod, walay kahulugan.

Click here for Election 2010 updates

Apan tingali ang langit adunay iyang kaugalingon nga mga misteryosong pamaagi pagtug-an kanato nga wala makasulat sa mga bitoon nga kanunay na lang kitang maalaot, nga dili kita lusay sa dagat nga mosunod sa bangis nga hapak sa balod.

Malaumon ako nga mibalik naang mga adlaw diin subli na usab natong mahikap ang pong liderato ug gobyerno.Ug kay una man natong matugkad ang mga butang nga makita, madungog, mahikap, matilawan o masimhot, usa ka maayong unang lakang ang deklarasyon ni P-Noy: "Walang wang-wang, walang counterflow, walang tong."

Daghan kanato ang dili makatugkad sa mga 'misteryo' nga nagpaluyo sa ZTE-NBN broadband deal scandal, apan kinsay dili makakita sa kamatuoran nga ang paggamit sa wangwang niadtong wala tugti sa balaod maoy buhi pagpmatuod nga ang gahom misaka sa gagmay nga utok sa atong mga pulitiko, negusyante, ug ang sa ilang mga paryente ug higala.

Oo, daghan pa ang mga suliran ning atong nagusbat nga nasud, ug dili ang wangwang lamang. Apan kinahanglan kitang mowarm-up. Ang Truth Commission na lang unya ang modalit kanato sa 'main dish'.

Karon pa lang daan imo nang makita - moangkon man sila o dili - ang pagpangurog sa mga ngabil niadtong mga nalambigit sa mga kwestyonabli nga transaksyon sa gobyerno. Kinsay malimot sa pagpalit ug yuta ilawom sa dagat ginamit ang salapi sa katawhan ug ang eskadaloso nga pagpatukod sa Cebu International Convention Center ? "Sa mga nang-api sa sambayanan, wala akong karapatan na limutin ang inyong mga kasalanan," matud ni P-Noy.

Apan ang administrasyon ni Noynoy magmalampuson lamang kung dili kita molugak sa atong pagbulig niini. Kita ang nipili kaniya, ug walay kwestyon ang iyang kadaugan. Busa sa atong ginagmay nga paagi dili kita magmakuli paghatag sa atong tampo.

Matag karon ug unya, mosaway kita kung gikinahanglan, kay mao man kana ang pikas nga bahin sa demokrasya. Dili na nato palabyon kini nga talagsaong kahigayonan. birada_ruphil@yahoo.com