GI-BAN ni Presidente Noynoy Aquino ang mga serena sa sakyanan nga gitawag og "wangwang".

Sagad kining gigamit sa mga dagkong opisyal sa kagamhanan.

Click here for Election 2010 updates

Ang problema kay bisan mga drug lords gikatahong nigamit niini.

"Walang wangwang, walang counterflow, walang tong (No more sirens, no more counterflow, no more bribes)," matod pa ni Presidente Noynoy.

Delikado kon ang mga opisyal magsakay na lang unya og mga ambulansya.

***

Sumala pa ni Parañaque Rep. Roilo Golez ang pag-ban sa "wangwang" mao ang labing inisog nga bahin sa inaugural speech ni Presidente Noynoy.

Matod niya, it is the boldest part" of his inaugural speech because it addresses "something that is very visible and very audible."

Gihasolan na siya sa "wangwang" sa laing mga tawo.

Pero presidente na siya ug magkinahanglan siyag kaugalingong "wangwang."

**

Pero ingon sa hasta si Presidente Noynoy motahod sa iyang ban sa wangwang.

Sa pipila ka adlaw nga siya presidente, wa siya mogamit og wangwang.

Mihunong pa gyud siya sa puwa nga traffic lights.

Ang problema ani kay hayan moungot sa trapiko ang atong presidente.

Matod pa ni Vice President Jojo Binay, " "Who wants the President to get stuck in traffic for hours?"

**

Naputos sa mga slogan ang inaugural address ni Presidente Noynoy Aquino, gawas sa iyang ban sa "wangwang".

Sama niining mosunod: "Kayo ang boss ko." "Kayo ang tunay kong lakas." "A nation where it all works." "True and complete justice for all." "Kung walang corrupt, walang mahirap." "Walang lamangan, walang padrino at walang pagnanakaw."

Daghan hinuon ang nagtuo nga nangampanya gihapon siya.

***

Usa ka eiditoryal sa Sun.Star Cebu nangutana, "What if the new president fails?"

Bitaw no, unsay mahitabo kon pulos ra slogan ang atong madungog.

Wa pay nasod nga ni-asenso tungod sa slogan.

Tungod sa kadaghan sa atong mga slogan, kon mao pa kini ang makapa-asenso nato, kita na unta ang labing datong nasod sa tibuok kalibotan.