Tigpamaba sa 4ID gihulipan

GIHULIPAN na og bag-ong tigpamaba ang 4th Infantry Diamond Division nga gihimo pinaagi sa simpleng turnover ceremony kagahapon sa buntag sa Camp Edilberto Evangelista, Patag ning siyudad sa Cagayan de Oro.

Malipayong mibiya isip tigpamaba sa 4th Infantry Diamond Division si Lieutenant Colonel Michele Anayron aron mahimong usa sa personahe sa information office ni Armed Forces of the Philippines Chief Ricardo David didto sa kaulohan.

Ang nihulip sa pwesto niini mao si Lieutenant Colonel Floyd Bagaipo gikan sa 26th Infantry Battallion kinsa Intelligence Officer sa maong Battalion.

Emosyonal nga nihatag og pamahayag si Anayron alang ngadto sa mga sakop sa prensa labina ning siyudad sa Cagayan de Oro kinsa maoy nagpaabot sa katawhan sa mga kalamboan nga natigayon sulod sa 4ID.

Gipasalamatan usab niini si BGen Mario Chan kinsa general officer-in-charge sa 4ID sa pagsalig niini ngadto kaniya.

Gani dihang mihatag og pamahayag si Chan dako kayo ang pasalamat niini ngadto kang Anayron nga taod-taod nahimong tigpamaba sa 4ID tungod kay nagpabilin ang maayong imahe 4ID ngadto sa katawhan.

Sa iyang bahin usab ni Bagaipo, kinsa napiling bag-ong tigpamaba, nakurat sa designation nga gihatag kaniya.

Sa pamahayag niini, gilauman niining makigtambayayong kaniya ang mga sakop sa prensa ning siyudad, gipaabot usab niini nga walay kausaban nga mahitabo ug kanunay ang mga sakop sa prensa makahibalo sa kalambuan sulod sa 4ID. (Stephanie V. Berganio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph