SAMAD sa likod nga bahin ang naangkon sa usa ka bana human giluba sa asawa Abril 23 sa Agora ning dakbayan sa Cagayan de Oro.
Daling gidala sa Northern Mindanao Medical Center (NMMC) si Leodereo Borres Jr., 36, minyo, nagpuyo sa kasamtangang dapit, human nakaangkon ug samad sa iyang likod human gidunggab sa iyang asawa.
Butyag sa silingan nga naghatod sa biktima sa NMMC nga naglalis ang magtiayon sa wala ikabutyag nga rason.
Giingong wala makamatikod ang bana kalit lamang kining gidunggab sa asawa ginamit ang icepick.
Sa pagsulat niini nga balita ang maong biktima nagpabilin pa nga nagpaalim sa NMMC.