KUN nakurat kamo sa rebelasyon ni Kris Aquino sa nakalabay nga semana labot sa kaminyuon nila ni James Yap, karon mas malowkah mo sa rebelasyon sa usa ka showbiz writer nga miyagyag sa rason nganong naka-decide si Kris nga makigbuwag na sa bana.

Sa pahayag ni Krissy, wala gyud kini mihatag sa saktong rason unsa ba ang ilang gi-awayan sa bana, nga gikatingala gyud sa tanan.

Bisan ang mga friends sa aktres hilum sab sa isyu, hoping nga magka-uli pa ang duha.

Karon, ang bonggang tsismis. Sa column ni Alfie Lorenzo sa Abante, gisaysay didto sa batikang showbiz writer ang pinaka-bug at nga rason nga nakigbuwag si Kris.

Say sa talent manager nga nakuha niya ang maong impormasyon gikan mismo sa suod nga higala sa TV host.

Ni Alfie pa sa iyang column, tinuod man kini o dili, kita na lamang ang mag-igo. Sumala pa nga kapin tuig na nga wala nagadulog sila Kris ug James.

Rason niini sumala pa nga may laing gika-busyhan ang aktres.

Yes, naay suitor si Krissy, nga sobra ka-pursigido kaniya.

Mas makalowkah, tungod ang maong suitor daw ni Kris militanya nga dalion sa pag anunsiyo sa aktres nga di na niya feel si James, buot na niyang ipa-annul ang ilang kaminyuon. Gosh, ana gyud diay!

And take note, say pa sa friend ni Krissy nga mi-tsika sa showbiz writer nga si Alfie, gituman kini sa aktres.

Dugang tsika, may time sab nga kalit lang nga mobiyahe si Kris padung sa Amerika uban sila Josh ug Baby James, siyempre uban si suitor.

So, if ever man nga tinuod kini, kinsa kaha ang mystery guy?

Whew! Nagkalibog na, maka-werla na gyud!

Sa pikas bahin, padayon sab sa iyang pagpanguyab og usab si James sa asawang si Kris.

Last week, pormal na sab nga mihatag sa iyang pahayag si James, diin gibarugan niini nga di niya tugutan nga mabungkag ang ilang pamilya.

Say sa basketbolista nga buhaton niya ang tanan, tumanon ang gisaad sa inahan, former president Cory Aquino nga panggaon, di biyaan ang pamilya.

Sa report sa TV Patrol World, giangkon sa cager nga karon subli niyang giam-aman ang asawa.

Giangkon ni James nga di sayon nga mahibalik sa normal ang tanan, apan niya di siya mawad-an og paglaum.

Gitambagan sab si James nga di na mohatag og pahayag sa press aron di na malubog ang paningkamot niyang makig-uli sa asawa.

Sa pikas bahin, bisan ang inahan sa basketbolista nga si Annie Yap naglaum nga magkabalik pa ang duha.

Depensa sa inahan, buotan si James, mahal niya ang iyang pamilya.

Wish ni Mommy Annie nga magka-istorya nag maayo si Kris ug James aron mahilot na ang ilang away.

Dawat sab sa inahan ni James if ever man nga di na gyud magkabalik ang iyang anak ug si Krissy.