DIREKTOR sa Land Transportation Franchising and Regulatory Board (LTFRB) nipahibawo sa publiko nga ilegal na ang pagbaligya og prangkisa sa taxi.

Matod ni Atty. Benjamin Go nga dunay bag-ong kamandoan gikan sa ilang ulohang buhatan nga nagdili na sa mga operator nga mobaligya o mo-transfer sa ilang prangkisa ngadto sa lain.

Updates on President Benigno Aquino III's presidency

Kon ang operator di na gustong mopadayon sa iyang prangkisa, mahimo kini niyang ipa-convert o i-surrender sa LTFRB.

Si Go sa interview sa dySS kagahapon npahibawo sa publiko nga wa na gyud moisyo og prangkisa alang sa taxi ang ilang buhatan maong kon duna may gibaligyaan og prangkisa posibling ilegal kini.

Nasayran nga ang padayong pagpanawat og aplikasyon alang sa bag-ong prangkisa sa taxi maoy gireklamo sa Metro Cebu Taxi Operators Association (MCTOA) batok kanhi director nga si Atty. Romulo Bernardes kay matod nila duna may

gipatumang moratorium niini. Ang reklamo maoy usa sa gituohang rason sa pagkatangtang ni Bernardes ug pagpahulip kang Go.

Alang sa bag-ong director nga igo ra gyud ang gidaghanon sa mga taxi karon dinhi sa Sugbo.

Sa kapin sa buwan nga paglingkod ni Go sa LTFRB-7 matod niya nga nihimo siya og obserbasyon sa mga taxi ug iya gyung nasuta nga daghang mga taxi ang maglinya sa mga mall.

Monihit lang ang taxi kon ting-uwan kay daghan ang manakay niini.

Maghuwat nalang unya si Go sa umaabot nga kalamboan mahitungod sa prangkisa sa mga taxi ug sa mahimo unyang kasabotan tali sa Cebu City Traffic Operations Management (Citom) ug sa mga taxi operators. (CPL)