DUHA ka mga lalaki ang pulos gipangdala sa balay tambalanan human gipangluba dihang nagkagubot sulod sa usa ka balay kalingawan kagahapon mga alas 2:30 sa kadlawon sa Yacapin-Velez St., ning siyudad sa Cagayan de Oro.

Giila ang biktima nga mao sila si Carlo Abanite, 18, ulitawo, taga Upper Carmen ning siyudad ug higalang si Rustom Udasco, 19, ulitawo, taga Yacapin St., ning siyudad.

Ang mga biktima nakaangkon og ubay-ubay nga samad nilubaan sa kalawasan human giluba sa nakalalis sulod sa immanan.

Igo lamang nagkabikil sa estorya, apan tungod kay apektado na sa ilimnong makahubog nagrambol sulod sa imnanan ug namuak og mga botelya sa sulod.

Ang buak nga botelya ra usab maoy gigamit sa mga suspek pagluba ngadto kang Abanite ug Udasco gawas pa nga natumban pa kini hinungdan sa pagkasamad sa ilang mga tiil.

Dali nga giresponde sa Police Station 1 (PS1) sa Divisoria ang insidente apan nakasibat na ang suspetsado.

Gidala sab pagdali sa Northern Mindanao Medical Center ang mga biktima nga padayon nga giatiman ning panahona. (SVB)