HINAYHINAY nang nakigsabotsabot ang kampo ni pound-for-pound champion Manny Pacquiao kang Puerto Rican Miguel Cotto alang sa posibleng panagharong og balik sa duha ka mga kampo.

Gikataho sa inside-ports.ph nga naa karon sa Puerto Rico ang adviser ni Pacquiao nga si Michael Koncz ug nakigkita na kang Cotto.

Updates on President Benigno Aquino III's presidency

Gawas sa inisyal nga pagpakigsabot kang Cotto, ang laing tuyo ni Koncz sa Puerto Rico mao ang paggiya sa boksidor ni Pacquiao nga si Bernabe Concepcion, kinsa adunay dakong tahas sa pagsu-way’g ilog sa korona ni World Boxing Organiza-tion (WBO) featherweight champion Juan Manuel Lopez.

Hinuon dili pa gyud makabulhot ang kampo ni Pacquiao sa pagpakigne-gusasyon kang Cotto hang-tod nga wala pa’y resulta sa laing negusasyon ngad-to kang Floyd Mayweather Jr.

Ang promoter ni Pacquiao nga si Top Rank boss Bob Arum, kinsa mao sab ang promoter ni Cotto, nihatag na’g tagal kang Mayweather sa pagbuhi og negusasyon.

Gipasabot ni Arum nga kon dili pa gihapon modesisyon si Mayweather hangtod karong Hulyo 15, hayan makignegusasyon na siya’g lain.

Gawas kang Cotto, si Mexican Antonio Marga-rito maoy usa sa mga gi-konsiderar nga iparang kang Pacquiao karong Nobiyembre 13 sa sitwa-syon nga mobalibad si Mayweather.

Sa mga nahiunang interbyu, parehong nipa-dayag sila si Pacquiao ug Cotto sa ilang kaandam alang sa posible nilang pa-nagharong og balik.

Sa premirong away, miposte og 12th round TKO nga kadaugan si Pac-quiao batok kang Cotto.

Gituohan nga dili sab lisod lihukon kining awaya kay pareho mang sakop ni Arum ang duha ka mga boksidor.