USA ka katabang nakaplagan nga patay human naghikog sulod sa bay sa iyang amo sa alas 10:40 sa buntag niadtong Martes didto sa siyudad sa Kidapawan.

Ang kapulisan nag-ila sa biktima nga mao si Beverly Galvez, 44, minyo ug molupyo sa Barangay Poblacion, Makilala, North Cotabato.

Gibutyag ni Kidapawan City Police Director Chino Mamburam nga nakaplagan ang patay nga lawas sa biktima sulod sa pinuy-anan sa iyang agalon nga si Dr. Malaluan sa Barangay Onica.

Gigamit ni Galvez sa iyang paghikog ang pisi sa iro nga binuhi sa iyang amo nga maoy gihikot sa iyang liog samtang ang pikas tumoy gihigot sa kisame.

Matud sa anak ni kanhing Kidapawan City Mayor Luis Malaluan nga una nagpakamatay ang ilang katabang mibisita pa ang iyang bana ug nangayo kini og kuwarta kantidad nga P17 mil alang sa balayran sa iyang anak sa ospital, apan walay nahatag ang asawa.

Dako ang pagtuo ni Mamburam nga problema gyud sa pamilya sa biktima ang hinungdan sa iyang paghikog.

Giklaro sab sa kapulisan nga walay foul play sa kamatayon sa katabang sa pamilyang Malaluan. (Edgardo Fuerzas)