MANAGER sa usa ka trucking services nagkupot og rosaryohan atol sa iyang paghikog pinaagi sa pagpusil sa iyang ulo pasado alas 4 sa miaging hapon.

Usa ka katabang sa balay ang naka-diskubre kang Arlene Palagot, 46, taga Valencia, lalawigan sa Bohol sulod sa iyang lawak nga gipuy-an sa Maria Paloma Village, dan Katipunan, Barangay Labangon, dakbayan sa Sugbo.

Updates on President Benigno Aquino III's presidency

Napalgan sa kapulisan sa kamot sa biktima ang usa ka rosaryohan ug usa ka 9mm pistol nga may 12 ka mga bala.

Sa pasiuna nga imbestigasyon nga gihimo nila ni SPO4 Alex Dacua, PO2 Jodan Batucan ug PO2 Julius Regis sa Homicide Section nagbutyag nga nitawag sa gipuy-an sa biktima ang iyang agawon pasado alas 5 sa hapon kay gustong magpakuha

sa iyang sakyanan.

Ang helper nga si Lody Bungcag niadto sa kawak sa biktima ug nanuktok.

Apan wa motubag ang biktima hinungdan nga ginamit ang duplicate key, iyang giablihan ang kwarto ug didto nakita ang biktima diha sa iyang kama.

Sa wala nga bahin sa kamot sa biktima ang rosayrohan ug ang tuong kamot nagkupot sa armas.

Pagresponde sa kapolisan, napalgan usab ang cell phone sa biktima ug subay sa naka-save sa inbox niini, dunay text messages gikan sa mga tawo nga iyang nautangan ug naningil kaniya.

Way nakitang suicide note ang kapulisan gawas lang sa cell phone sa biktima.

Gituohan sa kapolisan nga personal ang hinungdan ngano nga nagpakamatay ang biktima.

Way nakitang timailhan ang kapolisan kon may foul play ba ang maong hitabo.

Gipaabot sa kapulisan nga may luwatan nga pamahayag ang mga suod nga higala ug kauban sa biktima kon unsay problema niini.