ANG pangulo sa kapulisan sa lalawigan sa Sugbo, Sr. Supt. Erson Digal, nanawagan sa mga residente sa dakbayan sa Carcar, ingon man ubang lungsod sa habagatan sa pag-abag sa kapulisan pinaagi sa pagtug-an sa ilang nahibaw-an sa mga krimin.
Kini maoy panawagan ni Digal sa mga residente sa dakbayan sa Carcar, human nadakpan sa Task Force Ting si Ruel Velez, ang gitumbok nga gunman ni Manuel Ting.
Si Digal nga nahinabi sa Sun.Star Superbalita niingon nga wa nay angay pang kahadlukan ang mga tawo sa Carcar nga motestigo batok kang Velez sa mga krimin niini kay nasikop na man. (Guam P. Logroño)