NAG-ATUBANG og kasong libel ang iyaan ni Aga Muhlach nga si Amalia Fuentes. Gilakip usab ang mga opisyal sa Philippine Entertainment Portal (PEP) tungod sa giingong pagpakauwaw niya sa usa ka Cebuana nga gipasanginlang kabit sa bana ni Fuentes nga napublikar sa website sa PEP niadtong miaging tuig.

Updates on President Benigno Aquino III's presidency

Si Amalia Stevens nga nailang Amalia Fuentes uban silang Lisa Gokongwei-Cheng, presidente sa PEP; Joan Maglipon, editor-in-chief; Karen Pagsolingan, managing editor; Erwin Santiago, associate editor; Rommel Llanes, associate editor; Flor Caagusan, copy editor; Jocelyn Dimaculangan, senior editor; Mark Angelo Ching, writer; ug Elyas Isabelo Salanga, community editor gipasakahan sa kasong libel ni Angelica Aznar Sierra tungod sa napublikar nga estorya sa PEP niadtong Oktubre 4, 2009 nga gihulagway niyang nidaot sa iyang pagkatawo. (JECT)