DAGAHAN karon ang nalipay nga mga motorista tungod niining dinalian nga pagpatuman sa wangwang ban pinaagi sa Land Transportation Office (LTO).

kasagaran sa mga ninggamit niini nga gadyet mao kining mga tawo nga nagpatoong mga VIP, opisyal sa gobyerno, military o PNP. Aduna poy mga sakay lamang sa panahon nga nigamit niini aron lagi daling makalusot sa naghuoot nga trapiko matag adlaw.

Ang hugot nga pagpatuman niini nga kamaduan sa atong bag ong pamunuan ni P-Noy nagpakita lamang nga kun kayang tumanon sa katawhan kining maong palisiya, mas dali usab nila sa kagamhanan ang pagpatuman sa mas seryoso pa nga balaod sa nasud.

Sumala sa gimbut an sa balaod, ang Presidente, Besi Presidente sa nasud ug ang Presidente sa Senado ug Chief Justice sa Korte Suprema ang gitagaan lamng niining nga exemption.paabota ang mas seryoso pa nga pagpatuman sa mga nahikatulog nga mga palisiya sa nasud ang hugot nga imando sa bag ong administrasyon.

Attensyon: Land Transportation Office (LTO) 10 kining inyong pagpatuman sa Operation Wangwang Ban dili unta itunong sa panahon sa 7- 9 sa buntag kay daghan ang nagbagulbol nga mga motorista, pasahero nga mga trabahante sa gobyerno, pribado ug mga estudyante nga nadelatar sa pagsulod sa trabaho ug eskwela niadtong adlawng Miyerkules tungod sa pagpahunong niining mga sakyanan nga namatud- an nga adunay wangwang gadyet.

Halos 2 ka oras nga pagkatanggong sa mga nagkdaiyang sakyanan diha sa Bulua Highway tungod niining gihimo sa LTO.Halos niabot sa 2 ka kilometro ang namugnang traffic tungod niini.grabeng bagulbol ug kalagot sa mga katawhan tungod sa wala damha nga kahasol.

***

Bisan pa man nga naparut na sa niaging piliay si kanhi Kongresista ug mikandidato pagka mayor sa dakbayan Rolando "Klarex" Uy, apan abtik pa sa kilat kining iyang mga sumusunod sa pagpatoo nga aduna pay paglaum nga siya makalingkod gayud sa pagka mayor sa dakbayan.

Daghan ang nag ingon nga napildi lang sa kamas si Uy tungod lagi sa paghatag ug tumang pagsalig sa iyang campaign manager nga walay hibangkaagan.daghan karon ang nagtoo nga si Uy gi-budhian sa iyang mga alepores. Daan na akong nagpasidaan kang Uy nga dili gayud magkumpiansa sa mga tawong nagpalibot kaniya.

Gawas pa niini, si Klarex Uy walay klaro nga mituman sa iyang seryosong saad kang Kagawad Juan Sia nga mao unta ang giplanong ipakandidato pagka mayor sa dakbayan. Apan tungod kay nalipong man sa gahum si Klarex, mao nga sa ginagmayng sulsol,dagan dayon pagkamayor, ang nahitabo, tikangkang gayud siya ni Dongkoy Emano.

Ang sobrang bilib sa kaugalingon mao pud ang nakahatag ug dis bentaha ni Uy sa iyang mortal nga kaaway sa pulitika.paabuton na lamang unta ni Klarex ang sunod nga hugna sa bugnong lugaynon sa tuig 2013.

Atangi mga pare/mare ang 112r, 178r, 477r, 129r ug 790r (2 p.m., 5 p.m. ug 9 p.m.) June 9-15, 2010. Alang sa inyong mga reaksyon o opinion text 0918-7095145 o email sa dxco1044@yahoo.com. Congrats ni Kag. Prexy Elipe ang sumusunod nga mayor sa dakbayan...