USA ka lalaki naghunos sa iyang kaugalingon didto sa Purok 3, Barangay Poblacion, lungsod sa Monkayo, Comval Province, Martes sa hapon.

Biktima giila nga si Nolasco Netulle, 32, molupyo sa dapit.

Sa report nga nakuha gikan Comval Province Police Provincial Office, nasayran nga pasado alas 3:00 sa hapon naabtan na lamang sa inahan sa biktima nga si Salud Netulle ang iyang anak nga nay kinabuhi samtang nagbitay sa kisame sa ilang panimalay.

Ang biktima naghikog pinaagi sa paghikot og pisi sa iyang liog, dayon gitali sa kisame sa ilang balay.

Pahayag sa inahan nga nagbuwag ang iyang anak ug kaipon niini sa wala masayring rason.

Nanaghap sila nga usa kini sa bug-at nga hinungdan nga nakadesidar nga magpakamatay ang biktima.

Nakuha sab sa otoridad ang usa ka suwat duol sa patayng lawas sa biktima.

Sumala pa nga unod sa maong suwat ang rason nganong nabuhat sa biktima ang paghikog.

Usa sab ka suwat ang nakuha sa mga otoridad duol sa patay lawas sa biktima, diin gisulat matud pa didto sa biktima ang hinungdan sa iyang pagpakamatay.

Bisan pa man kon hikog ang nahitabo apan mga sakop sa Monkayo Municipal Police Station mihimo gihapon og dugang imbestigasyon.

Ang patay'ng lawas sa nahisgutang biktima gipahimutang na sa usa ka punerarya sa lungsod sa Monkayo. (Marvin Pineda)