MGA kabanay sa mga biktima sa masaker didto Sitio Masalay, Barangay Salman, Ampatuan, Maguindanao Province nakadawat og hulga sa ilang kinabuhi.

Ni Myrna Reblando, vice-chairman sa Justice Now Movement, nagkanayon nga sa nakalabay nga adlaw dunay wala mailhing mga tawo ang nagpaniid sa ilang panimalay.

Tungod niini, nihangyo ang mga kabanay sa mga biktima sa masaker og proteksiyon gikan sa mga otoridad alang sa ilang kaluwasan.

Si Reblando, asawa sa napatay sa usa ka sakop sa local media nga si Bong Reblando, maisugon nga nagpadayag sa iyang opinyon bahin sa krimen pinaagi sa padayon niyang panawagan og hustisya sa mga biktima.

Nakadawat sab og hulga sa kinabuhi si Ric Cachuela, tsirman sa JNM.

Gikanayon ni Cachuela nga siya mismo nakadawat og hulga sa iyang kinabuhi gikan sa wala mailhing grupo, apil na ang ilang abogado nga si Harry Roque.

Kahadlok karon ang gibati sa pamilya sa mga biktima sa mangilngig nga masaker sa Maguindanao nga mikalas og 57 ka kinabuhi, apil na ang 32 ka mga local media didto sa Central Mindanao.

Kahinumdoman nga niadtong Hunyo 14, gipusil patay si Suwaib Upham, usa sa mga nag-unang testigo sa masaker. b>(Edgardo Fuerzas)