TAXI driver gitulis sa nagbinugtong nga tulisan sa dakbayan sa Mandaue ug gidala pa ang iyang gimaniho nga taxi.
Ang biktimang ni-report sa station-3 mao si Pedro Osabel, 40, minyo, taga barangay Kawit, lungsod Medellin, apan stay-in sa grahe sa iyang gimanihong taxi nga M and J sa barangay Cabangcalan, Mandaue city.
Sigun sa iyang asoy nga nahitabo ang pagpanulis kagahapon pasado ala 1 sa kadlawon sa Barangay Umapad sa mao nga dakbayan.
Matod ni Osabel nga samtang nagmaniho siya sa iyang taxi (GXL-579) paghiabot niya sa may Barangay Pusok, dakbayan sa Lapu-lapu, usa ka lalake ang nisakay kaniya ug nagpahatod sa lungsod sa Brgy. Tuyan, lungsod sa Liloan.
Paghiabot sa Liloan, nagpasumangil kini nga wa na siya makatultol sa balay sa iyang uyoan. (DRT)