GIPAPUGNGAN una sa Office of the Ombudsman-Visayas nga i-release ang tseke nga tunga sa milyon ka pesos isip retirement benefit ni kanhi Department of Tourism (DOT) 7 regional director Patria Aurora “Dawnie” Roa kay mopahigayon una silag imbestigasyon sa kadako sa kantidad nga ihatag sa Mactan Cebu International Airport Authority (MCIAA).
Si Assistant Ombudsman Virginia Palanca-Santiago maoy nimando nga di lang una ihatag ang P500,000 ngadto kang Roa kay susihon una nila kon unsay gibasehan sa mga opisyal sa MCIAA sa paghatag sa naasoy ng kantidad.
Gikataho sa dyLA kagahapon nga si Santiago nikontak na sa Commission on Audit (COA) aron lakip ni sa mosusi ning pagtugot sa mga sakop sa MCIAA board nga hatagan sa retirement pay ang niretiro nang director sa DOT.