DUHA ka mga estudyante gikan sa tunghaan napusilan human sila napagan sa nag-away nga gang, pasado alas 10 sa miaging gabii sa dalan Rahman, Ibabao, Barangay Basak, dakbayan sa Sugbo.
Ang mga biktima nga ningdangat sa tambalanan mao sila si “Vanessa” ug “ Julie-ann,” pulos 13 anyos, nagtungha sa 1st year high school sa pampubliko nga tungha-an.
Wa makaila ang mga biktima sa namusil, apan ilang gisiguro nga pulos sakop sa gang.
Matod ni PO2 Wetzil Berry sa Homicide Section nga naglakaw ang mga biktima pauli na sa ilang balay.
Ilang nadungog nga dihay nagginukday ug misunod ang buto-buto sa armas de fuego.
Wa magdugay, gibati na lang ni Vanessa nga naminhod ang iyang wa nga kilid ug si Julie-ann sa iyang bukton. (JFT)