ANGAY ba gyod ang laraw sa Pamuno Nasod nga dugangan og duha ka tuig ang basic education? Mitumaw kining maong pangutana kay maoy plano ni Presidente Noynoy Aquino nga himuon nang Grade VII ang elementary ug 5th year ang high school kay namatikdan nga nag kagidlay ang kalidad sa atong edukasyon.

Daghang miangal nga mga ginikanan kay nagdugang kini og palas-onon taliwala sa nagping-it nga ekonomiya.

Updates on President Benigno Aquino III's presidency

* * *

Masinahon man god kining atong kinaiya. Kon mamaligya og utanon ang atong silingan, kita usab mamaligyag kamunggay ug agbati. Gusto natong makig-indig sa kahimtang sa mga nasod sa Holland, Germany, Georgia ug uban pang European countries. Kining first world countries diin dako ang gahin sa ilang edukasyon insakto ang suweldo sa mga magtutudlo, kompleto sa mga libro, lawak-saringan ug buhong sa mga school facilitiy.

* * *

Kita god ania mahimontog sa third world countries. Kuwang sa mga magtutudlo, gamay ra og suweldo, hiktin ang budget sa edukasyon, kuwang sa classroom ug ubang pasilidades. Giingon nga dako pa gani og suweldo ang mga security guard ug janitor sa Bangko Sentral nga nagdawatan og 30-40 ka libo ka pesos matag bulan. Ang bag-ong mosulod sa military magdawatan og 23 mil ka pesos matag bulan human sa 2 ka tuig nga pagbansay-bansay. Dili ba Sir ug Maam nga kamo nga maoy naghago ug tig-umol sa kaugmaon sa kabataan nagdawat lamang og 10-12 mil pesos matag bulan?

SOLUSYON

Matag problema adunay kasulbaran. Unsa may solusyon? Kinahanglan sinsero ang administrasyon ni Pres. Aquino nga motutok ning maong suliran. Makab-ot nato ang himsog nga kalidad sa edukasyon kon dugangan ang mga magtutudlo ug patas-an ang ilang suhol, dugangan ang mga classroom aron dili na magklase sa punuan sa kahoy, matag classroom okupahon lamang og 30 ka mga estudyante aron dili ma overcrowded, hulipan ang karaan na nga mga school building, dugang mga libro, school facilities ug angayan ipatuman ang “food for school program” aron katabangan ang malnourished nga kabataan. Sa laktod nga pagkasulti, kon hugot nga ipatuman ug tun-an pag-ayo ang Phil. School Curriculum, dili na tingali kinahanglan ang dugang 2-year basic education. Kahinumdoman, ang atong mga lolo ug lola haniti kaayo nga mokwenta ug molitok og iningles bisan kutob ra sila sa Grade II ug Grade III. Dili ba Sir ug Maam?

(yahoo ID & e-mail add. csa_1156@yahoo.com / cell #: 0905-250-4643)